عني متسألش.........بقلمي/ رمضان عبدالله أحمد

عني متسألش
----------------
ابعد على قد ماتقدر
ارجو انك ماتقربش
فى قربك ابدا مابتعذر
وقلبي عليك مابيصعبش

في قربك شفت كتير منك
وكنت ناوي اني اكون لك
حتى ف حبك ليا كأنك
زيك رب الكون ماخلقش

مش فارق انت عن الناس
غير انك معدوم احساس
اخرج بص على الدنيا
اتعلم ... وماتستكبرش

عايز احط نهايه لحبك
قلبي يتعود على بعدك
تضيع وتغيب من افكاري
ازاي دا يحصل . معرفش

عايز انسي ايامي معاك
فساعدني انا بترجاك
انسى ايامنا وغرامنا
لوجيت لك عني متسألش
------------
بقلمي/ رمضان عبدالله أحمد