الوداع.بقلم الشاعر محمد عبد الغني

الوداع
الوداع ليل حزين
الطبع باكى مركبه من غير
شراع

الوداع معنى فيه الحب
اكبر من ربيع القلب
ضاع

الوداع قلتها لما
طفيت للامل اخر
شعاع

كنت حاسس الف مره
ان قلبك راح يخون

من كلامك لما اقابلك
من تجارب تانيه قبلك

كلها شك وظنون
ولما كنت اقعد معاكى

وكان يدور بينا الكلام
كنت اشعر ان قلبك

من حجاره او رخام
كنت مغروره تملى

حتى فى رد السلام
كنت بتتعاجبى بجمالك

وبضفايرك وبقوامك
ولما اقول لك ع الحقيقه

كنت بتثورى قوام
كنت فاكره نور زمانك

راح يفضل للابد
كنت فاكره انك احلى

واحده فى البلد
كنت مكنتيش فى لحظه

تحسبى حساب الزمن وتقدرى
وعمرى ما شفتك ف عمرى

يا حبيبتى ف الحقيقه
المره مره تفكرى

كل اوهامك يا ليل
سرابى

كل زعقاتك
غرابى

كل بسماتك خداع
الودااااااع

بدال الليالى ما تطفى شموعنا
ونفرش حياتنا بشوق الفراق

ولجل الوداد ال جمع قلوبنا
افضل عزيزتى نكون اصدقاء

سنينا ال فاتت دى كانت بدايه
لعشره موده وحب وصداقه

وصفحه جميله بدفتر حياتنا
ومعنى لاسمى واطهر علاقه

محبش ازيف مشاعرى بنحوك
محبش تكونى منافقه ف مشاعرك
فكونى عزيزتى
فى سكه حياتك
صديقه رقيقه
غريقه فى بحرك
الدنيا حلوه لما تكون
فيها قلوب خضره
الدنيا بسمه لما تكون
فيها قلوب صابره
وانا ال صابر
وصبرى طال بيه
لعمرى كليت
ولا مره فاض بيه
يا رب ايه العمل
وانت ال دارى بيه
فكونى سفينه متينه ف قلاعها
واوعى تتوهى ف عين الديابه
وحبى الحياه الجميله بطباعها
وكونى كمنجه وغنوه ربابه
وبصى لبكره بعين الحقيقه
تلاقى سؤالك عليه الاجابه