الوطن هو الضحية
"""""""""""""""""""""""
عمر وڤيكتور مظلومين
والوطن هو الضحية
عاشوا فى حارة مرتاحين
قبل ما يبقى الدين مطية
يركبوها المهووسين
ومن وراه أهداف خفية
وكأن ديننا دين جديد
مش شريعة سماوية!!!
إعتنقها أبونا آدم من بعيد
ونوح وإبراهيم منهجية
وأقرها يعقوب من جديد
لبنيه، يبقى ليه الضجة ديا
قرآننا قال عيسى نبى
وأمه طاهرة مش بغية
ييجى متعصب غبى
متبنى فكر الإرهابية
ويخالف تعاليم النبي
ويخترع مليون قضية
كلها كذب وضلال
والأمور واضحة وجلية
حرموا نص الحلال
وإستباحوا الحرمانية
وربنا يحب الجمال
ويحب إعمار البرية
وإللى يسعى للدمار
يبقى ضد الإنسانية
ياللا نبدأ بالعمار
والأيادى كلها تبقى فى إيديا
والوطن يبقلنا دار
متأمنه من زاد وميه
شوفوا تالت الهجرة مين؟
تدركوا الحكمة إللى هيا
إبن الأريقط خبير أمين
كان دليل خير البرية
لم يسأله على أى دين
وقام بدوره بحسن نية
أدعو لسبيل الله بحكمة
مش بسنجة وبندقية
تدخل الجنة بكلمة
مش بهوسة وعنترية
الجنة والنار مش بتوعك
والكون دا كله لك وليا
والدخول والخروج مش بطوعك
دا برضا رب البرية،،،،،،،
*********
شعر /سيد فتح الله
من ديوان/ مصر التي
٧
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .