لسه عيوني بتشوفك
ولسه عيوني بتشوفك
وفكراكي ومش ناسيه
ولسه عيوني بتشوفِك
وفيها البسمه مش آسيه
ولسه فيه ما بينا غرام
وقصص وكلام
كما الأحلام غرام بهيام
ونسمة ليل وقمر ونجوم
وسحاب
فيه صوره من رسمك
وغنوه من القلوب صافيه
لا أنا عارف منين أرجع
ولا تهدى العيون وتنام
بكل الحب ما نسيتك
ولا في حبي هديت وبنام
عشانك وانتِ ملكني
وعنوان الغرام وهيام
ومش ذنبي عشان حبيت
ولا نسيتك ولا مليت
ولا اني سيبت كله وجيت
على شط الغرام ورسيت
كأنك علم قدامي
قوليلي على الطريق أرجع
عشانك ضلت أقدامي
ومهما إن طالت الغربه
مصيري أرجع لأوطاني
ومهما إن طالت الرحله
إنتي سكنتي وداري
✍ أحمد منصور✍
19/3/2020
ليست هناك تعليقات:
إرسال تعليق
اهلا وسهلا ومرحبا بك في مدونة واحة الأدب والأشعار الراقية للنشر والتوثيق ... كن صادقا في حروفك ويدا معاونة لنا ... فنحن حريصين علي الجودة ونسعي جاهدين لحفظ ملكية النص .