إنت و بس اللى أتمناه بقلم الشاعر .. محمد البريمى ..

شعر غنائى ..
((( إنت و بس )))
إنت وبس اللى أتمناك .. من كل الدنيا و روحى معاك ..

لو تسألنى بحبك ليه .. مقدرش أوصف و أقول ف هواك ..

حبك بيجرى ف دمى خلاص .. ونا عاهدتك ع الإخلاص ..

إنت ملكت كل الحواس .. مين ف الجمال يا حبيبى سواك ..

إنت و بس اللى أتمناه

أول م شوفت النور ف عنيك .. قلبى شاورلى و قالى عليك ..

هو دا حلمك و مناك .. هينور الكون حواليك ..

معاك شوفت الدنيا و حلاوتها .. حسيت بالفرحه و بهجتها ..

جربت الأسوه و مرارتها .. من دمعه واحده من عنيك

إنت و بس اللى أتمناك ..

إنت و بس اللى مجننى .. و تاعب قلبى ليل و نهار

شاغل بالى وواخد عقلى .. و كل يوم بأعرف أسرار ..

و أقول ف بالى مسيره يلين .. و يحن تانى للسنين ..

و إنت ف عنيا الإتنين .. ولا يلزمنى إعتذار ..

إنت و بس اللى أتمناه

بقلم الشاعر ..
محمد البريمى ..