عيونك دى بقلم الشاعر .. محمد البريمى ..

‏البحر الوافى‏ 

شعر غنائى ..
((( عيونك دى )))
عيونك دى ولا عيون الغزلان .. لما بأشوفهم بأفتكر أيام زمان ..

ونا لسه بأبتدى .. أول مشوار ف طريق الحرمان ..

لا كان يخطر يوم ف بالى .. أحب و أعشق سهر اليالى ..

ونا قلبى كان فاضى و خالى .. و الزمن عليه غضبان ..

عيونك دى ..

من عنيكى بحس و أعرف .. إن كنت سعيد ولا حزين

أكدب عليكى لو قلتلك .. بأدوب فيهم شوق و حنين ..

دى لما بتضحك بتزيد فرحتى .. و أما بتبكى بتنزل منى دمعتى ..

و إن غابت أحس بغربه ف وحدتى .. و عيونى يباتوا سهرانين ..

عيونك دى ..

دى عيونك مش أى عيون .. بتخلى العاقل مجنون ..

ونا نفسى أدخل جواهم .. و أعرف السر المكنون ..

و أقرب منهم أكتر .. و أكتب عن حالى و أسطر ..

و أوصف ف جمالهم و أكتر .. و أرسم على كل لون ..

عيونك دى ..

بقلم الشاعر ..
محمد البريمى ..