شعر غنائى .....بقلم الشاعر .. محمد البريمى ..

شعر غنائى ..
((( يا أمى )))
إنتى أقربلى من كل الناس .. ونا واثق مليون الميه ..

إنك أطيب قلب يا أمى .. كل الحبايب تشهد عليا ..

من أول يوم ف ميلادى .. بتسمى و تصلى عالهادى

ليل نهار تدعى و تنادى .. و الدعوه خالصه و النيه ..

إنتى أقربلى ..

إنتى أقربلى يا أمى .. من أى شئ تانى ..

ف قلبك رحمه و حنيه .. حبك إلاهى و ربانى ..

إنتى اللى بتحسى بوجعى .. غيرك م يتحمل دلعى ..

مين يسمع بكايا و دمعى .. مين يضمنلى عمرى و زمانى ..

إنتى أقربلى ..

إنتى أقربلى من إبنى و أخويا .. أشكيلك و أرتاح من همى ..

و الحمل اللى على كتافى .. تشليه عنى يا أمى ..

طول عمرك جمل صبار... قربك يا أمى جنه و أزهار ..

بعدك عنى أسوه و مرار .. دمك من فصيلة دمى ..

إنتى أقربلى ..

بقلم الشاعر ..
محمد البريمى ..

٢٢

تعليق واحد

نتعي إبراهيم

أعجبني